الموضوع
اللي عاوز اتكلم عنه النهاردة هو عن عيد الحب، طبعا كتير منكم هيفتكر اني هقول حرام وعيب وعارفه انكم زهقتوا من الموضوع ده، بس النهاردة انا مش جاية اقول كدا ياريت تسمعوني للاخر وبعدين تحكموا بنفسكم.

كنت قاعدة من شوية بتفرج علي التليفزيون ولقيت معظم القنوات الفضائية وبعض المحليات مهتمة بموضوع عيد الحب، فسرحت بخيالي و قعدت افكر واقول ياتري ليه يوم 14 فبراير بالذات اللي العالم كله بيحتفل فيه بعيد الحب؟ وسرحت بخيالي وتخيلت انه في اليوم ده الحبيب الاسطوري ضحي بحياته علشان يبنقذ حبيبته من الموت و علشان كدا الناس بتحتفل بأروع قصة حب حصلت في التاريخ، ياتري مين دي اللي تستاهل الواحد يضحي بحياته علشانها؟ وليه حبها الحب ده كله؟

طبعا مكنش ينفع اسكت علي الموضوع ده، لاء لازم اعرف القصة بالتفصيل واعرف السر اللي ورا يوم 14 فبراير ده بالذات.

فتشت في مكتبتي عن الحكاية واخيرا بعد عناء عرفت الحكاية وقصة الاخ فلانتينو اللي دوخني معاه علشان اعرف حكايته.

وتبدأ الحكاية يا سادة يا كرام بعد تولي الملك رومليوس الحكم في العصر الروماني واللي سموا مدينة روما بإيطاليا علي اسمه. وكانت الديانة ايامها هي الوثنية او بمعني تاني كانوا بيعبدوا الاصنام. ولان الملك رومليوس كان بطل وملك قوي في نظر الرومان بدأت تنتشر الحكايات والروايات عن اسطورة الملك رومليوس اللي كان بيرضع لبن اللذئب وهو صغير واللي كان سبب في قوته وبطولته ومكره ودهائه للوصول للحكم.

اما حكايته مع شهر فبراير بالذات فلأنه تولي الحكم في منتصف شهر فبراير وكان الرومان بيحتفلوا كل سنة في هذا الشهر بتولي الملك الوثني رومليوس الحكم وطبعا لان الرومان كانوا من عشاق الجسد واللي ظاهر بصورة واضحة علي كل اثارهم الموجودة حاليا كانت مظاهر احتفالهم بهذا اليوم ايضا فيها اهتمام بالجسد وشهوة الجنس، فكان الرومان في اليوم ده بيجيبوا كلب ومعزة ويدبحوهم ويغسلوا بدمهم اقوي رجلين عندهم، شابين وسيمين ومفتولي العضلات ويلطخوهم بدماء الكلب والمعزة، طبعا واحد هيقولي اشمعني يعني كلب ومعزة؟ بصراحة مش عارف بس جايز كان عندهم وفرة في الكلاب والمعيز علشان كدا كانوا بيتخلصوا منها بالطريقة دي.

المهم، طبعا قبل ما المعزة تدبح كانوا بيحلبوها الاول علشان يغسلوا بيها الدم اللي علي جسم الشابين اياهم. بعد كدا يسير الشابين عرايا في الشارع وتقف البنات علي الصفين ويقوم الشابين اياهم بإغراء البنات وبعد كدا انتوا متوقعين الباقي مفيش داعي اكمل.

وفضل الرومان يحتفلوا باليوم ده من يوميها ونسوا اصلا ان سبب الاحتفال هوا الاحتفال بالملك رومليوس. ومرت سنين كتيرة علي دا الحال وطبعا البنات كانت بتستني منتصف فبراير من كل عام علي احر من الجمر. وبعدها اعتنق الرومان الديانة المسيحية وبدأ عصر الحروب الرومانية المتتالية وخصوصا ايام القائد كلوديوس الثاني في القرن الثالث الميلادي، اللي كان صاحب القرار الشهير بمنع اي جندي من الزواج حتي يتفرغ للحرب ولا ينشغلوا عن امن البلاد. طبعا اللي كان بيخالف الاوامر كان بيتعدم علطول.

من هنا ظهرلنا الاخ فلانتينو الشهير اللي دوخنا ودوخ البنات معاه، اما فلانتينو أو القديس فلانتين فكان من اشد المعترضين علي قرار منع زواج الجنود ايام القائد كلوديوس التاني وكان بيقوم بتزويج الجنود سرا، ولما افتضح امره لدي القائد كلوديوس امره بحبسه لحين محاكمته واصدار حكم المحكمه عليه.

واخيرا صدر الحكم بإعدام القديس فلانتين، وكان اليوم المقرر لإعدامه كان يوافق يوم 14 فبراير من عام 270 ميلاديه، وبالتالي تحول يوم احتفال الرومان بمنتصف فبراير الي الاحتفال بالقديس فلانتينو اللي كان بينادي بالحب والسلام وسمي بعيد فلانتينو وبعدها سمي بعيد العشاق او عيد الحب ولكن علي ما اعتقد بعد لما مات كلوديوس التاني لان محدش كان هيقدر يسمي اليوم ده كدا لو كان لسه كلوديوس عايش.

انتهت القصة، فين بقا الحبيب الاسطوري اللي ضحي بحياته علشان حبيبته؟ وفين اصلا القصه اللي تخلي العالم يحتفل باليوم ده؟ القصة حتي مفيهاش ريحة الرومانسية، صدمتني يا فلانتينو ونا اللي كنت مفكرك مقطع السمكة وديلها.

بعيد بقا عن رأي الدين في الموضوع والفتاوي اللي اصدرتها بعض الدول العربية بشأن الاحتفال بهذا اليوم وكمان بعيد عن رأي ناس كتير حرمت الاحتفال باليوم ده لانه بمثابة رجوع للوثنية الرومانية وعصر الجاهليه قبل الاسلام.

الي كل الاحباب في كل مكان عيد حبكم عمره ماهيكون يوم 14 فبراير ،
عيد حبكم هو اول يوم دق قلبكم بنبض الحب،
عيد حبكم هو اول يوم صارحتم بعضكم بحبكم،
عيد حبكم هو اول يوم قابلتوا فيه بعضكم،
عيد حبكم هو اليوم اللي شجعتوا بعض علي طاعة الله،
عيد حبكم هو يوم نجاحكم سوا في حياتكم،
عيد حبكم هو يوم خطوبتكم،
عيد حبكم هو يوم شبكتكم،
عيد حبكم هو يوم جوازكم،
عيد حبكم هو يوم ماعرفتوا ان فيه شخص تالت هيشاركوا حياتكم (طبعا ابنكوا لحسن تفتكروا حد تاني).
عيد حبكم هو يوم ميلاد اطفالكم،
عيد حبكم يوم لما ينجح ابنكم، او يخطب ، او يتجوز..........أو ......أو..........


وبكدا هتكون كل السنة حب في حب ليه بقا نرضي نكون بخلاء ونخلي يوم واحد في السنة هو عيد حبنا
مع تحياتي لكم أخوك باسم محمد ممكن الرد علي الموضوع الف شكراأأأأأأأأأأأأأأأأأأأأأأأأأأأأأأأأأأأأأأأأأأأأأأ

موضوع مهم للغاية يرسل هلي جميع الاعضاء+
للاتثبيت+في الصفحة الرئئسية+تم تقييم الموضوع+ شكرا
حقا غريب لي يعملوه الرمان انا قرات انا هاد فالنتان واحد يهودي و الله اعلم



أتمنــــى لكـ من القلب .. إبداعـــاً يصل بكـ إلى النجـــوم ..

سطرت لنا أجمل معانى الحب

بتلك الردود الشيقة التي تأخذنا

إلى أعماق البحار دون خوف

بل بلذة غريبة ورائعة

دمت لنا ودام قلمك

كل الشكر والإمتنان على روعهـ بوحـكـ ..

وروعهـ مانــثرت .. وجماليهـ طرحكـ ..

دائما متميز فى الانتقاء

شكرا ليك ان شاءالله نكون لافضل

نحن الافضل بانضمامك الينا و  كونك واحدة من اسرتنا الجزائرية الغالية

شكرا لك اختي انا وحدة من ناس نحتفل بعيد الحب


بصح راح نحبس هاد العفسة هادي

يسعدنا انا كنا يببا في توقف هده العادة المنبودة

م مارسي

لا شكر عال واجب و جعلك الله من اهل الجنة

ان شاء الله واياك شكرا

شكرا لمروركم العطر

لا شكرا عال واجب 
 

[ندعوك للتسجيل في المنتدى أو التعريف بنفسك لمعاينة هذا الرابط] a big for you

بااااارك الله فيييييييك و نفع بك و سدد خطاك
جزاك الله خيرا أختاه
 :yatik al3afiya 

وفيكي باركة اختي
والله يعافيك
وشكرا لمروركي عطر