زائر
زائر
 | | موضوع: اجمل النكت الجزائرية المضحكة 11/3/2013, 18:48 | |
| مل النكت الجزائرية المضحكة
1.
واحد يسكن في القرية دا الباك وباه يروح للجامعة خاف يضحكو عليه قالتلو
أمو روح برك النهار اللول يضحكو عليك والنهار الثاني يضحكو عليك والنهار
الثالث توالف وتروحلك العقدة قالها: مالا حتى النهار الثالث ونروح
2.
كان واحد ماشي في سيارتو ومعاه زوجتيه, وفجأة السيارة تعطلت نزل الراجل
يشوف, نطقت مرتو لمثقفة وقالت: شوف بلاك الكالبيراتور؟ غارت الزوجة لخرا
وقالت انا تاني لازم نهدر حاجة حتى وإن كنت مانعرفش للسيارات...وقالتلو: يا
راجل شوف بلاك نسيت البارمي
3. واحد
دخل لل وقال للقهواجي: عندك باردة؟ يقولو: لا , زاد جاه غدوة
وقالو كيما المرة اللولة ورد عليه:لا, وعاد كل يوم يقولو: عندك باردة؟
واحد النهار قال القهواجي: والله نوجّدلو باردة قبل ما يجي, ومبعد
ساعة جا الزبون وقال: عندك باردة؟ قالو: نعم, قال: سخّنها وجيبهالي
4.
مرة واحد يقلق مية في الساعة, دّا قماش عند الخياط وقالوا: اسمع حاب ندير
قندورة تكون مليحة يعني يكون الكول مصاوب وصغير والدرعين مايكونو طوال
مايكونو قصار ومن تحت توصل حتى للكعب وعندك ادّيرلي جيب مانسحقّش, ولكتاف
مايكونوش عراض بزاف, وصاوبها تحت الطوابق, وأهم حاجة عندك ادّيرها محصورة
انا ما نلبسش حاجة محصورة ولوكان درتها محصورة والله مانسلكك...هات لقماش
هنا مانزيدش نجي عندك خلاص.
5. في
ليلة كان ربعة من ليجون يتمحششوا {{{يزطلوا ]}}}ورا باطيمة{{{عمارة}}}وبعد
مدة خلصلهم الكبريت, فبعتوا واحد منهم يطلب, مالا راح دار على لباطيما ولاّ
ليهم بعد, قاللهم: يا جماعة ما عندكمش كبريت؟ قالوا: أقعد رانا بعتنا واحد
يجيب...
6. وهادا واحد يبيع ال بثلاث
دنانير, وكل يوم يجيه واحد ويحطلو دينار في شرق الحانوت ودينار في غرب
الحانوت ودينار في الوسط ويقولو: اعطيني . وفي نهار جاب هذا الشخص قطعة
تاع خمس دنانير وقالو: اعطيتي . فرح القهواجي وقال هذي فرصتي باش
نردلو ما دار فيا وراح جابلو وحطلو دينار في شرق الحانوت ودينار في
غرب الحانوت وقالو: هذا الصرف. وفجأة جبد الزبون دينار وحطو في النص وقالو
زيدني
7. هدا واحد يهجّي
الهدرة بزاف في كل مرة يروح لل ويقول للقهواجي: أعطيني ققققققـ....
ومايجي يقول يغلق مول المحل ويقولو ولي غدوة,ودايما تسرالو هكّا, وفي
نهار قال لازم نبدا نوجّد الكلمة في الليل وكي نوصل الصباح نقولو, وفعلا
بدا في الليل يقول: ققققققققـ... وفي الصباح مع وصل لل قال:
أعطيني, دار ليه القهواجي وقالو: انعم خويا؟؟
8. استدعي الرئيس عبد العزيز بوتفليقة جماعة من شبان معسكر و قال لهم تقدموا تراكم متخلفين بزاف فحملوا الشبان كراسيهم و تقدموا نحوه
9. واحد قروي شاف امو حامل قالها هدا شكون قالت خوك قالها وعلاش كليتيه
10. واحد عندو دراجة .كان في الطريق يرفع العجلة فاستوقفه شرطي واعطاه بروسي و كتب فيه محاولة طيران
11. مشحاح طاحت  ه من التاقة. كي نزل ما لقاهاش. ليش؟؟؟؟ لأنه وصل قبلها.
12. وحد مستك راح لحنوت و حب يشري حليب. قال للبياع "أعطيني عصير بقر يا خو"
13. وحد المعلم سقسا وحد التلميذ
قالو أعطيني شيء يتمدد بالحرارة ويتقلص بالبرودة
التلميذ قالو: العطلة يا أستاذ. في الشتاء 15 يوم وفي الصيف 3 أشهر
14. واحد كان يتفرج في وحد الفيلم تع الماريكان
كي خلاص الفيلم بدات تطلع الكتيبة
جازت وحد الكتيبة فاتو قبل ما يقراها
طلع عند جارو الي يسكن فوقو وقاعد يسنى فيها توصل
15. واحد طلع في الكار وكان لا بس سباط تع 3000 الف
وحد العجوزة عفست عليه
قاللها الحاجة نحي رجليك راكي معفسة على 3000 الف
قاتلو: وين راهم. طاحولي ليا
16
- كاين واحد رافد شكارة كبيرة فيها حوت ـ تقابل مع واحد سكران في طريقه
قالوا لو عرفت واش كاين في الشكارة نعطيك حوتة ـ رد عليه السكران قاله بحر
ههههه
17 - صاحب محل دخلتلوا وحده
سوريه .... وكل شوية تقولوا : بكام هده يا حجي ... بكام هده حجي .... تقرب
منها و قالها : شوفي انا ماحجيتش لكن رحت عمرة .. يعني تـقـدري تـقــوليلي
.... ياعــمــري
18 - قالك فى مرة
واحد تعرف على وحدة قللها واشنوا اسمك قالتله زهرة قللها واشنوا اسم أختك
الثانية قتلة أزهار قلها واشنوا اسم أختك الثالثة قتلة زهور قلها واشنوا
اسم خوك قلتلوا زهير مشى قالها صافي بطن يماك جردينة
[/size]  |
|
زائر
زائر
| | موضوع: رد: اجمل النكت الجزائرية المضحكة 3/7/2013, 15:10 | |
| هههههههههههههههههههههههههههههههههههههه :  : |
|
اجمل النكت الجزائرية المضحكة
المنشورات 
أحدث الصور 
التسجيل 
نسيت كلمة السر 
او
لمشاركة اصدقائك!
1/1/1970, 03:00